militaire-560x416

militaire-560x416

ໃນຕອນແລງຂອງວັນທີ 12 ມັງກອນ ທີ່ຜ່ານມາ ທ່ານ ປທ ນ ວະໄລລັກ ອະໄພ ຮອງຫົວໜ້າສູນຂໍ້ມູນ ຂ່າວສານການເມືອງ-ການປົກຄອງ ພ້ອມດ້ວຍຄະນະພະແນກ ແລະພະນັກງານ, ຄູ-ອາຈານ ພາຍໃນສູນ ຂໍ້ມູນຂ່າວສານຈຳນວນໜຶ່ງ ໄດ້ໃຫ້ກຽດຕ້ອນຮັບການພົບປະຢ້ຽມຢາມຂອງ ທ່ານ ພັທ ພິມພາ ປັນຍາ ຮັກ ຫົວໜ້າອຳນວຍການຫ້ອງສະໝຸດກອງທັບ ພ້ອມດ້ວຍຄະນະ ທີ່ໄດ້ໃຫ້ກຽດມອບໃບສົມມະນາຄຸນ ໃຫ້ແກ່ຫໍສະໝຸດ ສມປຊ ໃນໂອກາດທີ່ໄດ້ມອບປຶ້ມຕຳລາຮຽນ ແລະເອກະສານປະກອບການຮຽນ-ການ ຄົ້ນຄວ້າຕ່າງໆ ໃຫ້ແກ່ໍຫ້ອງສະະໝຸດກອງທັບເປັນຈຳນວນຫຼາຍຮ້ອຍຫົວ ເພື່ອນຳໃຊ້ເຂົ້າໃນການຮຽນ- ການສອນ ລວມເຖິງການຄົ້ນຄວ້າຕ່າງໆ

ການພົບປະໃນຄັ້ງນີ້ ທ່ານ ພັທ ພິມພາ ປັນຍາຮັກ ພ້ອມດ້ວຍຄະນະ ໄດ້ກ່າວຄວາມຂອບໃຈ ແລະ ຍ້ອງຍໍຊົມເຊີຍຕໍ່ກັບການຊຸກຍູ້ ແລະປະກອບສ່ວນໃນການມອບປື້ມຕຳລາການຮຽນ-ການສອນຂອງຫໍ ສະໝຸດ ສມປຊ ກໍຄືສະຖາບັນການເມືອງ ແລະການປົກຄອງແຫ່ງຊາດ ເວົ້າລວມ ໃນໄລຍະທີ່ຜ່ານມາ ພ້ອມທັງກ່າວມອບໃບສົມມະນາຄຸນ ເພື່ອເປັນການສະແດງຄວາມຂອບໃຈຕໍ່ການປະກອບສ່ວນດັ່ງກ່າວ. ເຊິ່ງຖືໄດ້ວ່າເປັນໜຶ່ງການສົ່ງເສີມການອ່ານຂອງກຳລັງໃນກອງທັບໃຫ້ມີຄວາມຮູ້ຄວາມສາມາດ ທັງເປັນ ການເພີ່ມທະວີການພົວພັນຮ່ວມມື ແລະແລກປ່ຽນຂໍ້ມູນຂ່າວສານປື້ມຕຳລາຕ່າງໆເຊິ່ງກັນ ແລະ ກັນ.    ໃນໂອກາດດັ່ງກ່າວ ທັງສອງຄະນະຍັງໄດ້ສ້າງຂະບວນການ ແລະແລກປ່ຽນບົດຮຽນທາງດ້ານກິລາ ເຊິ່ງ ປະກອບມີກິລາ 2 ປະເພດຄື ບານສົ່ງ ແລະເປຕັງ. ທັງນີ້ກໍ່ເພື່ອເປັນການຮັດແໜ້ນຄວາມສາມັກຄີລະ ຫວ່າງ 2 ພາກສ່ວນ ແລະປະກອບສ່ວນສະເຫຼີມສະຫຼອງ ວັນສ້າງຕັ້ງກອງທັບຄົບຮອບ 69 ປີ (20/1/1949-20/1/2018) ທີ່ຈະໝູນວຽນຄົບຮອບໃນມໍ່ໆນີ້ໃຫ້ມີບັນຍາກາດຟົດຟື້ນຕື່ມອີກ.

Leave a Reply

Your email address will not be published. Required fields are marked *